Dette er 242'en til Roar på NAF'en i Knarvik, som eg har
hjelpt til med ombygginga av. Utgangspunktet var ein 242 frå
1981 med ein kjip B21A. Nye planer vart lagt når eg var
innom NAF'en for EU-kontroll på våren 2006, og var
litt lausmunna når det gjaldt motorskiftet i DaButchers
242. B6304 måtte det bli!!!
Roar starta med å fikse karroseriet. Her skulle ingenting
vere halvgjort... Hjulbuer og kanaler vart bytta, det samme med
framskjermer og panser. Snutepanser naturlegvis. Roar ville ikkje
ha listene langs sida, og sveiste att hola. Det var også
eit par hol i golvet som måtte fiksast. Eg tipsa om ein
'91 960 med byttemotor på Blocket, og det tok kun kort tid
før Roar var på flyet til Stockholm for å hente
den.
Eg lagde nye motorfester etter same design som til DaButcher.
Dette designet nytter originale festepunkt i traversen, og standard
240 diesel motorputer. Desse tilsvarer vanlege motorputer, men
er sterkare. Samstundes pussa Roar opp motorrommet, med ny lakk
og rydding i kabler.
Motoren passer perfekt!!!
Radiatoren med oljekjøling for automatkassen og kjølevifte
fra 960 delebilen passer også bra med litt "justering"
(hørte eg nokon seie vinkelsliper) av tverrbjelken framme.
Med 960 radiator passer også oljerøra til automatkassen
perfekt. Denne motoren har ikkje oljekjøler, men med automat
er den stort sett tenkt til cruising, og då bør det
ikkje verte eit problem.
For å ta opp dreiemomentet til motoren uten å belaste
motorfesta for mykje, la vi til eit dobbelt støttestag
på eksossida av motoren, ut mot fjørtårnet.
På ein tur til Sverige tok eg med to 3,73 bakakslinger frå
JB Bildemonterning i Jönköping. Den eine skal eg ha
sjølv, den andre pussa Roar opp til prosjektet. Akslingen
vart sandblåst og malt, og alle bremsedeler bytta. Differentialen
vart bytta ut mot ein Truetrack diffbrems.
Eg måtte dreie ned diameteren på differentialhuset
til 111mm for å kunne presse på tonehjulet til 960.
Dette for å få rett signal frå bakakslingen
til hjernane til automatkassen og motorstyringa.
Eg målte høgdedifferansane mellom den originale diffen
og truetrack'en for å finne ut kor tjukke shims eg måtte
ha for å få rett forspenning og spel mellom kronhjul
og pinjong i bakakslingen. Dette krev at du bruker dei originale
lagra, ellers må også høgdedifferansen mellom
gammalt og nytt lager målast.
Det elektriske vart kopla inn mot det originale elsystemet i bilen,
og hjernane montert på passasjersida.
Tonehjulet i bakakslingen var som sagt frå 960 for å
gi rett signal til motor og girstyringen. Det har 48 tenner mot
12 for vanleg 240. Vi ville nytte eit 86+ speedometer for å
halde dashboardet originalt. Kopla til givaren i bakakslingen
ville det vise 4 ganger rett fart. Etter litt måling på
960 speedometeret fann eg ut at det ga ut eit 48 pulsers firkantsignal
til automathjerner og eit 12 pulsers signal til motorstyringa.
Akkurat det vi trengte!!! Krestkortet til 960 speedometeret vart
demontert og sett inn i ein eigen boks for å fungere som
signalgenerator til motor og girstyring + 240 speedometer.
Vi starta med å koble både motorstyring og speedometer
til same 12-puls utgang på 960 kretskortet, men det fungerte
dårleg då dei forstyrra kvarandre... Tid for litt
tenking, og løysinga vart eit lite kretskort med eit par
transistorer for å splitte signalet opp i to uavhengige
signal, sikra med eit par motstander mot for høg straum.
Med dette oppsettet fungere både speedometer, girstyring
og motorstyring som originalt.
Når alt det tekniske var på plass, var det tid
til å få fokus tilbake på karroseriet. Roar
sendte vekk bilen for lakkering i Ford Focus ST "Electric
Orange". Ingen fare for å miste den på parkeringsplassen
i alle fall!!!
Bilen kom tilbake frå lakkering fredagen før Vallåkra
2007, etter utsetting etter utsetting frå verkstaden. Kappløpet
var i gang for å få bilen klar. Å kjøre
940'en min til Sverige ville vere eit nederlag. I helga vart interiøert
vaska og rydda etter lakkjobben, og listene rundt siderutene +
diverse anna montert. Ny frontrute + gamal bakrute vart montert
på tirsdagen med nye lister. Felger og dekk lot vente på
seg, men var på plass onsdag kveld, og Roar tok ein liten
prøvetur. Torsdag var det kobling av lys. Når lysproblema
var løyst, var det tid for nok ein prøvetur, denne
på svimlande 5 km!!! Fredagen var det siste hand på
det elektriske, og montering av dei siste listene, før
vi lasta inn bagasjen, kryssa fingrane og la ut på ein 2000km
prøvetur, meir eller mindre utesta...
Som de ser av bileta kom vi fram, og utan eit feilslag. Det
einaste vi kunne klage over var at bakhjula var litt breie (225/40R18)
for skjermkantane bak, så dei må "justerast"
(vinkelsliper anyone???)
Ein fornøyd eigar...